En amours n'a sinon bien,
Nul mal qui ne luy pence.
Amours font faire mainct tours
Et maincte
contenance.
Je le dis pour mon amy
Qui est gay et bien joly
Je
le congnois d'enfance.
S'il m'ayme, si fais je luy
Dieu me
garde de meschance.
Il est d'ung si beau maintien,
Bel ŕ grant suffisance;
Mon cueur veult, et moy le sien
D'une vollunté
france.
S'il estoit, par Sainct Rémy,
Avec moy jour et demy,
J'ay en lui tel fiance,
Qu'il n'y seroit endormy,
Tant est plain de plaisance.