L’amour de moy si est enclose
Chanson 27
L’amour de moy si est enclose
En un jolly jardinet,
Où croist la rose
et le muguet
Et aussi faict la
passerose ( bis )
Mon jardinet est si plaisant
Et garny de toute flour,
Et si est gardé d’un amant
Aussi la nuit comme le jour.
L’amour de moy si est enclose
En un jolly jardinet,
Où croist la rose
et le muguet
Et aussi faict la passerose ( bis )
Hellas! il n’est ni douce chose
Que de ce doux
roussignollet
Qui chante cler au matinet;
Quant il est
las, il se repose
L’amour de moy si est
enclose
En un jolly jardinet,
Où croist la rose et le muguet
Et aussi faict la passerose ( bis )
Je la veis l’aultre jour cueillant
En ung verd pré la
viollette,
Et me sembla si advenant
Et de beaulté si
tres parfaicte,
L'amour de moy si est enclose
En un jolly jardinet,
Où croist la rose et le muguet
Et aussi faict la passerose ( bis )
Je la regarday une pose
Elle estoit
blanche comme let
Et doulce comme ung aignelet
Vermeillette comme une rose.
L’amour de moy si
est enclose
En un jolly jardinet,
Où croist la rose et le muguet
Et aussi faict la passerose ( bis )